Resessor: Акром Махкамов ва Шоира Ғиёсова,
Bosh ro'llarda: Адиз Ражабов,
Шахзода Матчанова, Мадина Мумтоз.

yaqin soatlarda saytdan yiroqlashmang!

Ushbu filmni ONLINE Ko'rasiz!


Адиздан Адизгача ёки "Ўзимдан ўзимгача” фильми хақида.



Режиссер Абдувохид Ғаниевнинг мазкур фильми хақида Шахзоданинг "Тўрт қадам” қўшиғига ишланган клип билан танишгач хабар топдим.

Аввалига хайрон бўлдим, чунки Шахзоданинг бу қўшиғи анча аввал тақдим қилиниб, клип олинмаган эди. Кейин билсам, шу қўшиқни фильмга саунтрек сифатида олишган экан.

Саунтрекдан фильм кўпроқ драмага ўхшайди.

Мазкур фильм тақдимотидан аввал фильм ижодкорлари ва бош ролни талқин қилганлар билан сухбатлашдим. Адиз билан эса фильм тақдимотидан сўнг сухбатлашишга қарор қилдим.

Чунки фильмдан сўнг хам саволлар туғилиши табиий. Ва бу саволлар асосан Адизга қаратилган бўлиши аниқ эди.


Фильмда банд бўлган ижодкорлар; Сценарий муаллифлари: Акром Махкамов ва Шоира Ғиёсова, постановкачи оператор Музаффар Юсупов, либослар бўйича рассом Севара Зуннунова, бош ролларда Адиз Ражабов ва Адиз Ражабов, Шахзода Матчанова, Мадина Мумтоз.


Аввал кинорежиссер Абдувохид Абдухакимович Ғаниевни сухбатга тортдим.







Умумий имзо: "Ижодкор хит яратаман деб харакат қила олмайди, тақдир хаммасини хал қилади!”

Фильмга ташхис: Мухабатнинг ноанъанавий кўриниши ва Адиз учун синов.

Сухбатдан энг эсда қоларлиси: Саволларим унга ғалати туюлгани, жавобларида адабий сўзлар ишлатиши ва сўз бойлиги кенглиги.







Мазкур фильм ижодингиздаги нечанчи?

-Учинчи. Аввал "Севгинатор” ва "Келгинди қайнона” бўлган.


"Ўзимдан ўзимгача” фильми хақида, у бошқа фильмлардан тубдан фарқ қиладиган жихатлари

- Бошқа фильмлардан анча фарқ қилади деб ўйлайман, чунки актерларнинг ансамбли ва актерларнинг сюжет линияси бошқачароқ. Фильм комедия жанрида ва ўзига яраша томошабинга қизиқ бўладиган воқеалар ва махсус эффектлар бор. Фильм суратга олишни бошлашданоқ бир нарса тўғрисида кўп ўйлаганмиз, инсон хаётида ўзини атрофини қамраб олган бир маромидаги хаёт билан яшайди, бошқа хаёт эса қизиқ туюлади. Фильм қахрамонимиз бошқа одам хаёти билан яшайди, ва фикрлаши дунёқарашлари бутунлай ўзгариб кетишига сабаб бўлади. Асосий ғоя шу деб хисоблайман.


Саунтрекдан Адиз Ражабовнинг қахрамони икки инсон эканлиги билинди, эгизакларни талқин қиладими?

-Йўқ, икки бошқа-бошқа инсонни ролини ижро қилади, бу актер учун жудаям катта синов хисобланади. Чунки кўпгина актрелар бундай ролга рози бўлишдан аввал хайиқишади, мен ўйлайманки Адиз жуда хам махоратли актер уни халқимиз хам севади, суратга олиш майдонида хам яхши натижаларни кўрсата олди.


Демак бу синовдан ўтди?

-Биласизми, буни томошабин хал қилади. Кўнгилдагидек бўлди деб ўйлайман.


Нима учун саунтрекга Шахзоданинг "Тўрт қадам” қўшиғини танладингиз?

-Чунки бошиданоқ фильмга қўшиқ жуда хам тўғри келди. Аслида Шахзодани ижодини жуда хам хурмат қиламан. Мана шу сабаларга кўра ижодий гурухимиз томонидан бу қўшиқни саунтрек сифатида тасдиқлашга ахд қилдик.


Асосан янги қўшиқлар танланарди саунтрекга.

-Саунтрек ўзи нима дегани? (кулади негадир). Масалан битта нарса бор-ки, қўшиқ бизнинг фильмимиз сюжетига, биз ўйлаётган фикримизга юз фоиз тўғри келгани учун хам бу нарсага рози бўлдик. Ундан ташқари биз фильмни суратга олишни бошлаганимизда бу қўшиқ энди чиқаётган пайти эди.


Фильмда бош ролллардан бирида дебьютант хам бордек, Мадина Мумтоз.

-Мадина Мумтоз бир қанча эпизодик ролларда иштирок этган, бу фильмда биринчи маротаба асосий роллардан бирини талқин қилмоқда. Бу қизимиз актрисамиз Раъно Ярашеванинг қизлари, актерлик махорати қонларида барибир бор ва ижодий гурухимиз учун бу қиз бизнинг фильмимизда бош роллардан бирини талқин қилаётгани қувонарли хол. Шунингдек Раъно Ярашеванинг ўзлари хам бу фильмимизда рол ижро қилганлар.


Биринчи саунтрекни кўрганимда трагик ёки драматик жанрдаги фильм деган фикр келди.

-Комедия деганда, фильмнинг бошидан охиригача хандон отиб кулиш дегани эмас, юмор барибир қандайдир муаммо орқали очиб берилади. Шунинг учун хам қахрамонларимиз ўзига яраша муаммолари билан фильмда ўз хаётларини кечириб ўтишади. Саунтрекни танлаганимизда адашмаганмиз хам аниқ атайин танланган дея оламан.


Фильмдан кўнглим тўлди дея ўйлай оласизми?

-Шунақа деб ўйлай оламан.



Фильмдан чиқиб кетаётган томошабин ўзи билан нима олиб кетади? Қандайдир бир мавзуга урғу берган лавхаларингиз борми?

-Хар бир ижодкор бирон нарса яратаётганида, хох у асар бўлсин хох фильм, инсонлар ундан ниманидир ўзига олишини истайди ва шунга харакат қилади. Фильм давомида томошабин бир қанча хиссиётлар билан таъсирланади ва у туйғулар орасидан ниманидир ўзига олиб чиқиб кетади деб ўйлайман .


Нима учун Адиз Ражабов? Сўнгги пайтлар оммалашган Улуғбек Қодиров ва Фаррух Соиповлар режиссерлар назаридан четлашгандек. Фаррух режиссерликка ўтгандек, Улуғбек хақида эса ўзига қиммат нарх қўйгани боис деган гап-сўзлар бўлди. Шоу-бизнес оламининг ички холатида янги кадрларни фильмларга жалб қилиш тарғиботи кетаётгандек.

-Улуғбек Қодировни жудаям хурмат қиламан. Кўп ишлаганман, Фаррух Соипов билан хам. Гап ўзига белгилаган нархда эмас, Адиз Ражабов шу фильмдаги қахрамон образни яхшироқ етказиб беради деган фикр бўлган-ки у танланган. Адиз жуда хам махоратли актер, уни янги чиқаётган актер деб бўлмайди, бу фильмдан аввал хам бир неча фильмда иштирок этган. Фаррух ва Улуғбекларни қандайдир моддий тарафлама муаммо бўлгани сабабдан таклиф қилинмаган деган фикр нотўғри!





Сўнгги пайтлар Фаррух Соипов, Улуғбек Қодиров, Дилноза Кубаева ва Гулчехра Эшонқуловалар даврини аста секинлик билан Адиз Ражабов, Шахзода Матчанова, Севара Солиевалар эгаллашни бошлаётгандек.

Балки бу принципиалликдир кино оламидаги?

-Йўқ, биласизми, принципиаллик йўқ, бу нарса хар доим бўлган ва бор деб ўйлайман, авваламбор кино оламида актерлар кўпйишидан хурсандман. Кейин сценарий ярараётган даврда ўзига яраша қахрамон гавдаланади, уни кадрда яшаш жараёнига мос келадиган, уни жисмоний ва рухий тарафларига мос актер танланади. Менда янги актерларни тарғибот қилиб принципиал равишда иш тутиш йўқ. Асосий мақсад томошабин биз истаган эмоцияни хис қилса бўлгани.


Шахзода Матчанова асосан бойни қизи образида гавдаланади, бу фильмда хам, унинг типажи шундайми?

-Унинг типажи шундайми … (кулади) Шахзоданинг бу фильмдаги Малика қахрамонини талқин қилганлиги жуда хам мос келди деб хисоблайман. Менимча бирор бир актер ёки актрисани аввалги ижро қилган ролларидан келиб чиққан холда рол бериш нотўғри. Актер ва актрисалар хам аввалги ижро қилган ролларига қарама-қарши бўлган қахрамонларни талқин қилишга интилишади, Шахзодага келсак, фильмдаги роллари энди тўртинчи бўлиб, кейинчалик бой эмас, балки бошқа ролларни хам талқин қилар.


Сўнгги воқеалардан сўнг, сохаси актриса бўлмаган қизни ролга таклиф қилишга чўчимадингизми?

-Бу воқеаларга менинг фикрим жудаям салбий. Кейин бутун дунё миқиёсида кино оламида агар қахрамон фактураси бўйича ролга тўғри келса, ўша ролни меъёрига келтириб ижро қилиб беришига кўзи етса, унинг асли актер ёки актрисалиги мухим эмас. Кино оламидаги тарихига назар солсангиз, жуда хам кўп актерлик сохаси ва махоратидан хабари бўлмаган актерлар жуда хам кучли қахрамонларни кашф қилишган. Бу фильмда кўп "кинопроба”лар бўлди, ва Шахзода жуда хам яхши ўтди. Шахзодани бу биринчи роли бўлмагани учун бу мавзуга уни алоқаси бўлмаса керак. Яна уч хил режиссер фильмида иштирок этган…тўғриси ғалати савол экан, жавоб бермасам хам бўларди. Назарда тутган воқеага хос мавзуни гапиришни умуман истамайман, кўнглим айнайди тўғриси.


Фильм яралишда тайёр сценарий, ғоя ёки бошқа бир нарса туртки бўлганми? Яъни бирон нарсадан таъсирланиш ёки оддий келинг ишлаймиз сифатида бошланганми?

-Аввал ғоя бўлди. Биласизми ноанъанавий кино деган нарса бор. Ноанъанавий мавзу деган нарсани мен жуда хурмат қиламан. Ноанъанавий мавзу нима бўлиши мумкин? Мухаббат мавзуси, ўзгармас бўлган хам анъанавий ва ноанъанавий бўлган мавзу. Фильмни яралишига туртки бўлган асосий нарса хам мухаббатни ноанъанавий кўриниши бўлди. Шу ғоялардаги жихатлар фикр тариқасида Акром Махкамовга берилган, улар ўзига қолипга тушириб, Шоира Ғиёсова билан биргаликда бир бутун сценарий яратиб тақдим қилишди.


Фильмдан сўнг томошабинда яна иккинчи маротаба кўриш иштиёқи бўлармикан? Албатта бир кўрганда жонга тегиш эмас, бир кўрганни ўзидаёқ балки етарли даражада ўзига нимадир олиб чиқиб кетадими?

-Балки учинчи ёки тўртинчи маротабасидан кейин…(кулади). Балки кимдир яна кўргиси хам келиб қолар. Ғалати савол.


Режиссер сифатида фильмнинг "жон”и деган нарса Сизга хам юклатилган маъсулият. Раритет фильмларимизни хануз шу "жон”и бор, лекин, нимагадир, бугунги кундаги кассабоп фильмларимиз, шу "кассабоп” тушунчасидан четга чиқмаяпти. Келди, кўрди, кетди. Бошқа талаб йўқ. Нима учун шундай бўляпти? Балки ўша эски фильмларда комедия бирламчи бўлганидан, сўнгги пайт комедияга режиссерлар алохида эътибор қаратаётгандир?

-Масалан қайси фильмни айтяпсиз?


Дейлик "Махаллада дув-дув гап”, "Суюнчи”… Уларнинг ўша жони хануз сақланган, хозир кўрсатса томошабин яна иштиёқ билан кўраверади.

-Мен Сизга бир нарсани айтаман, бу ерда сал бошқачароқ нарса бор. Мисол учун, собиқ иттифоқ даврида яратилган фильмлар албатта хит ва хануз хурмат қиламиз, кўпчилик севиб томоша қилиб келади, айтмоқчиманки, ўша даврда хам хит бўлган бу фильмлар. Ёши каттароқ одамлар шу саовлни беришади, нима учун бугунги фильмлар ўша пайтдагидек хит бўлмайди деб.


Фақат ёши катталарга эмас, умуман келажакка хит қолдиряпсизларми?

-Бу нарсани ўйлаб бўлмайди, масалан ижодкорга "Сан хит яратгин!”-деб қанчалик шарт-шароит яратиб берманг, истаган нарсага эришилмайди. Бу нарса Худодан берилади, мисол учун "Мана бу одам хит яратади”- деб, ёки ўша одам "Мен хит яратишим керак”- деб харакат қилинмайди. Ижод қиласиз, ижод махсулини томошабинга тақдим этар экансиз, шу фильм хит бўлишини кутасиз.


Тақдир?

-Тақдир бўлади. Бу нарса бор нарса…


Харакат?

-Харакат бўлади, нимага харакат қилинмайди? (Жиддий ажабланади) Хамма харакат қилади. Харакат қилганда хам қайси маънода харакат қилади?, "Мен хит яратаман” деб хеч ким харакат қилолмайди хеч қачон. Ким харакат қилади хит қиламан деб?


Тарихга кирсин деб..

-Кирсин дейди, хит бўлсин дейди, хамма айтади бу нарсани. Хамма шу нарсани хохлайди.


Барибир кассабоп бўлиб тижоратга урғу бордек. Бошида қандай кечди, аввал машхур юлдузлар орқасидан жалб қилинди, кейин ўша тижорат ва ижод баланси ўзгармаётгандек.

-Агарда ижод махсулингиз, ёки сценарий, бадиий асарингиз керакли даражада бўлмаса, Шахзода ўйнайдими, Фаррух Соиповми, Улуғбек Қодировми, одам кирмайди. Шу бир-икки йил давомида бу нарса кўрилди. Томошабинлар хам фақатгина юлдузларни томоша қилмаслигини кўпчилик билди ва тушуниб етди деб ўйлайман. Ўзбек киноси бугунги кунда катта ўзгаришлар остонасида турибди, бу ўзгаришлар яхши тарафга бўлади деб ўйлайман. Русларда (Количество делает качество) сон сифат келтиради деган мақол бор. Аста секинлик билан. Томошабинда хам танлаш хуқуқи мавжуд бўлади, ва шундан келиб чиқади хулосалар.


Муаллифдан қисқа хулоса: "Харакат бўлса баракат бўлади, тақдирни танлашда хам икки йўл берилади, бунда ижод бирламчи бўлса самараси хам шу тарзда. Пул пулни чақирар балки, лекин ижод бирламчи бўлган файзли фильмда самара хам файзли бўлади. Кейин руслардаги мақолга ўзбекча жавоб: Бемаза қовунни уруғи кўп бўлар экан. Сон эмас, сифат бирламчи!”

Мазкур хулоса "Ўзимдан ўзимгача”фильми ёки айнан режиссерга аталган эмас, шунчаки ўтказилган сухбат натижасидаги хулоса.

Бош роллардан бирини талқин қилган Шахзода Матчанова билан фильм хақидаги сухбат бу ерда.







Фильмда яна бир бош роллардан бирини талқин этган актриса Мадина Мумтоз сухбат кечаётган хонага анчагина кечикиб келди.

Кириб келишиданоқ узр сўраган Мадина, сухбат давомида яна бирдан эсига тушиб қолиб, яна чин дилдан узр сўради.




Мадина Мумтоз(Мусаева) 1990 йил 10 октябрьда туғилган, маълумоти тугалланмаган олий,


2005 йилдан 2008 йилгача Консерватория хузуридаги иқтидорли болалар академик лицейини анъанавий хонандалик-мақом йўналиши бўйича 3 йил тахсил олган,

2008 йилдан Консерватория институтида эстрада хонандалиги йўналиши бўйича тахсил олмоқда, хозир 2 курс талабаси,


болаликдан Ўзбекистон Миллий Академик театрда кичик эпизодик роллар ижро қилган, асосан эртакларда, Обид-А театри шоусида қорқизни талқин қилган,


хонандаликни 2007 йилдан Мадина Мумтоз тахаллуси билан бошлади.


Хозирда 8та қўшиғи бор.


Тахаллусни 2007 йил лицейда тахсил олаётган даврларда шоира Фарида Афрўз мумтоз мақомларни хам маромига етказиб ижро қилсин деган ниятда Мумтоз тахаллусини тавсия қилган.


Мадина араб тилидан Мумтоз сўзини таржима қилдирганида "Ажойиб” деган маънони билдирар экан.


Шу йил Тошкентнинг 2200 йиллиги байрамида Самандар Хамроқулов билан дуэт ижро қилди.


Курсдош қизлардан , ўз хаёллари ва ғийбатлари билан банд бўладиганлардан фарқли ўлароқ, кўпроқ курсдош ўғил болалар билан чиқишади.


Ўзбекистонда хизмат кўрсатган артист Раъно Ярашеванинг қизи.





Умумий имзо: "Эпизодлар маликаси ёки ажиб, ажойиб, ажабтовур”

Фильмга ташхис: "Биринчи бош ролим эсда қолиши аниқ!”

Сухбатдан энг эсда қоларлиси: Биринчи бўлиб кўзлари эътиборни ўзига тортади, очиқкўнгил, жудаям сухбатга чечан, жудаям хушчақчақ, ва жудаям…ажойиб. Экранга қараганда хаётда файзлироқ, жонлироқ, шаддод, шовқинлироқ, кичикинароқ ва озғинроқ. Сухбатда хам рол ижро қилаётгандек, жавоб бераётганида бирданига образга берилиб кетади. Содда(дек), эркатой(роқ) туюлди.


Лицейда мақом йўналишидан бошлаб институтда эстрадага ўтибсиз. Мақом қийин йўналиш, эплай олмадингизми?

-Асли рус мактабни 9 синфини тугатганман, ундан аввал мусиқа мактабида фортепиано синфида. Кейин аямга санъаткор бўламан, қўшиқ куйлайман, "Эстрада ва цирк” лицейига кираман деганимда улар эстрадага кирадиган бўлсанг бўлмай қўя қол, шундоқ хам эстрадада кўп, мақомга кирсанг ўқитаман, бўлмаса йўқ-деганлар. Кейин ўзлари шу лицейни топдилар, ва 15 кун ичида 3 қўшиқни Ўзбекистонда хизмат кўрсатган артист Комила Бўриевадан ўргандим. Сўнг имтихон топшириб кирдим.


Аввалги фильмлардаги қахрамонларингиз хақида.

-Биринчи эпизодик ролим "Лола” фильмида Зилола исмли қахрамонни талқин қилганман. Бошида тушиб кетадиган қиз борку, ана ўша, каскадерларни ишини хам ўзим қилганман.(кулади). "Жаноб хечким” фильмида "Тайсон” қахрамонини талқин қилдим. Хамма фильмда хар хил (кулади). "Аччиқ хаёт” фильмида Мўмин Ориповни севган қизи ролини ижро қилдим. "Ичкуёв” ва "Пойма-пой” фильмларида хам эпизодик ролларим бор.


Бу биринчи бош роллардан бири, қандай ўтди?

-Зўр бўлди (завқланиб). Шахсан менга ижодий гурух зўр ёрдам берди. Бир оиладек 12 кун "Оқ-тош”да яшадик. Аввалига аям рози бўлмадилар, чунки болалигимдан хатто лагерга юбормаганлар. Ўзлари спектакль ва халқ хизматлари билан банд бўлганлиги боис бора олмадилар, сўнг холам билан юборишга рози бўлдилар. Холам хам икки кун бирга бўлиб ижодий гурухни кўриб, ишониб кейин қолдириб кетдилар.





Фильмдаги ролингиз хақида

-Фильмдаги қахрамоним ноанъанавий қишлоқ қизи талқини. Ўзининг характеридан четга чиқмаган холда, лекин ўғилболасифат шаддод характерга эга қиз. Бош қахрамон йигитнинг ён қўшниси, шу қиз ўша йигитни тарбиялайдиган бўлади шу қахрамонимнинг гапи ўтадиган бўлади. Нафақат бу йигит, балки қишлоқдаги кўпчилик шу қахрамонимдан қўрқадиган бўлади. Адиз қахрамонининг энасини талқин қилаётган Шафоат опа, фильмда мени қахрамоним онасини талқин қилган Хосият опалар ва Адиз Ражабов суратга олиш жараёнида ёрдам беришди. Абдувохид ака хам хаммани олдида уришмай, четга олиб тушунтирдилар.(кулади)



Бу фильмга қандай келиб қолдингиз?

-Икки йил аввал "Ўзбекфильм”га суратларимни ташлаб кетгандим. Чақиришди, келиб киносиновни топширдим ва ўтдим.


Актриса ва хонандаликни уйғунлаштириш бир "мода”га айлангандек бўлганди, хозирда Сиз хам хонанда хам актриса…

-Актрисалик қўлимдан келар экан чақиришди. Дискимни бераман тинглаб кўрарсиз ва хонандалигимга бахо берарсиз. Хозирда кўпчилика манзур келмоқда. Нафақат эстрада, балки мақом қўшиқларим хам бор.


Келажакдаги ролингиз

-Бу фильмдаги ролим комедик, келажакда касал бир қизни ички кечинмаларини кўрсатиб берадиган психологик драма фильмида роль ижро қилиш ниятим бор. Кейин бизда унчалик ривожланмаган жангари фильмлари бўлса.





Фильмнинг қийин кечган сахналари хақида

-Охирги сахнаси қийин кечди. Тоғдаги сахна. Суратга олиш кунининг охирги куни бўлиб ўтди, эртаси кун хамма кетиши керак эди. Қуёш ботаётган махал, мени отим бошқа бўлиб қолди, камерага ўрганган от эмас, ёш от бўлиб қолди. Мен эса ундан қўрқаман, тишлайдиган одати бор экан, гапга хам кирмас экан. Мени отим эса ювош эди. Қуёш ботаётган махал ўзимни отимни келтиришди, монтажчи Бахтиёр ока қўёшни монтажда қўйиб бераман, давом этаверинглар дедилар, юзга сунъий туширилаётган чироқдан кўзларим юмилаётган эди, мана шу сахна билан муаммо туғилди, мен хам Абдувохид ака хам қийналдик.


"Ўзимдан ўзимгача” фильмидан ўзингизга нимани олдингиз?

-Хаётда инсон ўзига ўзи "Кимман?, Хаётдаги ўрним?” деган саволлари хамиша ўз жойида бўлгани яхши. Ўйлашимча бу нарсалар хазил йўли билан тушунтирилган. Лекин одам (бирдан ўзгариб, хазиломуз рольга киради): Незнаю как обьяснить.


Русча гапираверинг қийналсангиз

-Йўқ, ўзбекча биламан. ( қўлини кўксига қўйиб, рольга киради): Дилимдаги гапларни Сизга қандай етказсам экан?


Қандай қулай бўлса шундай

-(Диктофонга қарата, образдан хали чиқмаган холда): Сизнинг аппаратингиз йўқми дилимдаги гапларни шундай сўз билан чиқарадиган? (кулади). Хуллас, фильмдан кимдир нимадир олади. Манам нимадир олдим.



Хонанда экансиз, ўзингиз қўшиқ куйлаб қўймабсиз?

-(режиссер тарафга кўрсатиб, аразлаб) Булар менга ишонишмади.(кулади)


Қизиқ сахналар

-Отни миниб юриш сахналари қизиқ бўлди. Болалигимда минардим, кейин эсдан чиққани боис, шу фильм учун Адиз Ражабов билан тегишли от миниш бўйича махсус мактабга бориб ўргандик. Яна қизиқ сахна бу охирги сахнаси, роса уялдик бу сахнани ижро қилишга.


Уялдингиз? Демак, ўзингиз истамаган сахналар хам бўлдими?

-Ха, бўлди бунақасиям, уялдим ижро қилишга (кулади).


Шахзода Матчанова:

-Биз шу охирги сахнани ижро қилсакми, қилмасакми анча ўйладик, чунки роса уялдик. Биласизми ёши каттароқ актрисаларга бу нормал холатдаги сахна бўлса биз ёшлар учун бу жуда уятли бўлди.




Муаллифдан хулоса: юқоридаги қисқа таъриф билан чекланаман. Дискни эса тингладим ва фикрим… УМУМАН ЁҚМАДИ!)) Яъни…эстрада йўналишдагилари фақат. Мақом йўналишидаги "Соқенома” ва "Шароб”га гап бўлиши мумкин эмас, ёшингиз ва тажрибангизга бу аъло даража! Молодец!

---

Serverdagi Nosozliklar Tufayli Ayrim Kinolar Faqat (Mozilla Firefox) Brauzerida Ko'rsatayabdi.
Agar Sizda Mozilla Firefox Brauzeri Bo'lmasa Uni O'rnatib Oling.Agar Mozilla Firefoxda ham Kinolar Ko'rsatmasa Adobe Flash Playerni O'rnating.Marhamat Pastdagi Rasmlarga Bosgan Holda Ushbu Programmalarni O'rnating.